自幼受荷里活天災電影影響深遠,
再加上最近科學家亦紛紛公告說人類在地球die out前還有7年時間拯救我們的母星,
所以環保已在priority setting排行榜中穩居榜上前幾名.
話說今日到超級市場入貨,
埋完單正在苦惱點樣先可以將疊係銀紙上面既印花收據同散銀係唔跌落地既情況下了令到距地各自歸位時,
收銀員已經beep完下一位客人既貨物問道:"小姐, 請問有冇自備購物袋啊?"
港女:"冇."
收銀員姐姐正想sell環保購物袋之際:"其實我地都有..."
港女:"都話冇囉, 可唔可以快D?"
收銀員姐姐:"其實我想話我地有環保購物袋賣, 唔知小姐你有冇興趣支持下環保咁呢?"
港女,不耐煩地:"冇啊, 快D得唔得?"
我非常唔禮貌地插嘴:"小姐, 都係一個幾毫姐, 7年後你練屋企都冇得住wor, 值唔值啊?"
港女:"你咁叻不如你買返個啊~"
小弟:"唔好意思, 我都唔記得帶環保袋, 所以我啱啱都買左個, 唔啱我買個送比你啊."
未等港女回覆, 我就從我手上仲未收入個袋既散銀中拎左兩個5蚊銀醒個cashier.
就係咁, 第五百六十七萬八千九百五十八個膠袋和第六萬五千四百四十三個港女就咁係地球上消失左.
